Russia : రష్యాలో భారత పర్యాటకులకు ఘోర అవమానం: మూడు రోజులు నరకం చూసిన అధికారులు:భారతదేశానికి మిత్రదేశంగా భావించే రష్యాలో భారతీయ పర్యాటకులకు చేదు అనుభవం ఎదురైంది. వీసాతో సహా అన్ని పత్రాలతో రష్యాకు వెళ్లిన తొమ్మిది మంది భారతీయ పర్యాటకులను అక్కడి ఇమ్మిగ్రేషన్ అధికారులు అదుపులోకి తీసుకున్నారు. వారి పట్ల అమానవీయంగా ప్రవర్తిస్తూ మూడు రోజుల పాటు నరకం చూపించారు.
భారత పర్యాటకులకు రష్యాలో చేదు అనుభవం
భారతదేశానికి మిత్రదేశంగా భావించే రష్యాలో భారతీయ పర్యాటకులకు చేదు అనుభవం ఎదురైంది. వీసాతో సహా అన్ని పత్రాలతో రష్యాకు వెళ్లిన తొమ్మిది మంది భారతీయ పర్యాటకులను అక్కడి ఇమ్మిగ్రేషన్ అధికారులు అదుపులోకి తీసుకున్నారు. వారి పట్ల అమానవీయంగా ప్రవర్తిస్తూ మూడు రోజుల పాటు నరకం చూపించారు. బాధితుల్లో ఒకరైన అమిత్ తన్వర్ తనకు ఎదురైన ఈ చేదు అనుభవాన్ని ఇన్స్టాగ్రామ్లో పంచుకోవడంతో ఈ ఘటన వెలుగులోకి వచ్చింది. భారత్-రష్యా బంధం చాలా పటిష్టమన్నది కేవలం అపోహ మాత్రమేనని ఆయన ఆవేదన వ్యక్తం చేశారు.
జులై 8న అమిత్ తన్వర్ మరో 11 మంది భారతీయులతో కలిసి మాస్కో విమానాశ్రయంలో దిగారు. అయితే, ముగ్గురిని మాత్రమే దేశంలోకి అనుమతించిన అధికారులు, అమిత్తో సహా తొమ్మిది మందిని ఎటువంటి కారణం చెప్పకుండా అదుపులోకి తీసుకున్నారు. వారి పాస్పోర్టులు స్వాధీనం చేసుకుని, ఫోన్లు లాక్కున్నారు. అంతేకాకుండా, ఫోన్లోని ఫొటో గ్యాలరీ, గూగుల్ సెర్చ్ హిస్టరీ, యూట్యూబ్ యాక్టివిటీని కూడా క్షుణ్ణంగా తనిఖీ చేశారని తన్వర్ తెలిపారు.
అనంతరం వారిని ఒక చిన్న గదిలో బంధించి, వెనక్కి పంపిస్తున్నట్లు తెలిపారని బాధితులు వాపోయారు. “మమ్మల్ని నేరస్థుల్లా చూశారు. రోజుకు రెండుసార్లు మాత్రమే కొద్దిగా అన్నం, ఉడికించిన కూరగాయలు, ఒక వాటర్ బాటిల్ ఇచ్చారు. ఈ ప్రవర్తన చాలా అమానుషంగా ఉంది,” అని అమిత్ వివరించారు. సొంత ఖర్చులతో టికెట్లు బుక్ చేసుకుంటామని చెప్పినా అధికారులు అంగీకరించలేదని, వారిని అజర్బైజాన్లోని బాకు మీదుగా చిన్న చిన్న బృందాలుగా వెనక్కి పంపారని ఆయన పేర్కొన్నారు.ఈ విషయంలో ప్రధాని నరేంద్ర మోదీ, మాస్కోలోని భారత రాయబార కార్యాలయం జోక్యం చేసుకోవాలని అమిత్ తన్వర్ కోరారు. గురువారం తెల్లవారుజామున తాను ముంబైకి చేరుకున్నట్లు అమిత్ తన్వర్ తన పోస్టులో తెలిపారు.
Read also:PoojaHegde : పూజా హెగ్డేకు షాక్: ధనుష్ సినిమా ఛాన్స్ మిస్!
